DÜNYA


Rusiyada silah-sursat anbarında partlayış nəticəsində 19 nəfər xəsarət alıb

Moskva, 10 avqust, AZƏRTAC

Rusiyanın Krasnoyarsk vilayətində silah-sursat anbarında partlayışdan sonra 19 nəfər həkimə müraciət edib.

AZƏRTAC xəbər verir ki, bu barədə Krasnoyarsk diyarı hökumətinin mətbuat xidməti məlumat yayıb. Diyarın Açinsk şəhəri yaxınlığında yerləşən hərbi sursat anbarında partlayışdan sonra şəhər administrasiyası fövqəladə vəziyyət elan edib, ətraf ərazilərdəki meşələrdə əhalinin gəzintisi qadağan olunub. Ərazidə hərbi istehkamçılar işləyirlər.

Rusiya Müdafiə Nazirliyinin məlumatına görə, silah-sursat olan stellaja ildırım düşməsi nəticəsində yanğın və partlayış baş verib.

Xatırladaq ki, avqustun 5-də də həmin anbarda partlayış baş vermişdi. Nəticədə bir nəfər həlak olmuş, 13 adam yaralanmışdı. Bölgədə fövqəladə vəziyyət elan olunmuş, anbarın yaxınlığındakı yaşayış məntəqələrindən 16 mindən çox adam köçürülmüşdü.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.