SİYASƏT


Rusiyada yaşayan soydaşlarımız Azərbaycan Ordusunun sıralarına yazılmaq üçün müraciət edirlər

Moskva, 18 iyul, AZƏRTAC

Ermənistan silahlı qüvvələrinin Azərbaycan-Ermənistan sərhədində törətdiyi son təxribatla bağlı Rusiyadakı səfirliyimizə bu ölkədə yaşayan soydaşlarımızdan çoxsaylı müraciətlər daxil olmaqdadır.

AZƏRTAC xəbər verir ki, müraciətlərdə soydaşlarımız son hadisələrlə əlaqədar ciddi narahatlıqlarını ifadə edir, Azərbaycan Ordusunun sıralarına yazılmaq üçün səfirlikdən kömək və dəstəy göstərilməsini xahiş edirlər.

Səfirlik tərəfindən Rusiya vətəndaşları olan həmyerlilərimizə göstərdikləri vətənpərvərlik və qətiyyətli mövqeyə görə təşəkkür edilərək, hazırda Orduya əlavə canlı qüvvənin cəlb edilməsinə ehtiyac olmadığı bildirilir. Vurğulanır ki, Azərbaycan müasir silahlı qüvvələrə malikdir və qüdrətli Ordumuz Ali Baş Komandanın əmri ilə istənilən hərbi tapşırığı yerinə yetirməyə və işğal altında olan torpaqlarımızı azad etməyə qadirdir.

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.