SİYASƏT


Rusiyalı deputat: Mən həmişə Azərbaycanı nümunə göstərirəm

Moskva, 14 sentyabr, AZƏRTAC 

“Bizim prezidentlərin müdrikliyi sayəsində Rusiya ilə Azərbaycan arasında münasibətlər ən yüksək səviyyədə inkişaf edir”.

Rusiya Dövlət Dumasının Müstəqil Dövlətlər Birliyi məsələləri, Avrasiya İnteqrasiyası və Həmvətənlərlə Əlaqələr Komitəsinin sədri Leonid Kalaşnikov bu sözləri AZƏRTAC-ın müxbirinə söyləyib.

Rusiyalı deputatın sözlərinə görə, dünyanın bir sıra ölkələrində öz dilində danışmağı arzu edən insanların hüquqları tapdalanır. L.Kalaşnikov deyib: “Mən həmişə Azərbaycanı nümunə göstərirəm. Heydər Əliyev xalqın çağırışı ilə hakimiyyətə qayıdandan sonra o, respublikanın rus əhalisi ilə görüşüb bu sahədə qayda yaradacağını vəd etmişdi. Heydər Əliyev iki il ərzində bu vədini yerinə yetirdi, o cümlədən rusdilli əhali ana dilində təhsil almaq imkanı əldə etdi. Hazırda Azərbaycanın Birinci vitse-prezidenti Mehriban Əliyeva bu siyasəti davam etdirir və rus dilinin inkişafına şərait yaradır. İndi Bakıda tədrisin rus dilində aparıldığı 400-ə yaxın məktəb var. Rusiyada bu barədə az danışırlar. Keçmiş Sovet respublikaları arasında Azərbaycan kimi, yəni əhalinin rus dilində yaxşı danışdığı, rus dilinin təbliğ edildiyi nümunələr azdır”.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.