İDMAN


Rusiyalı idmançı: BMX üzrə Bakıda keçirilən dünya çempionatının yüksək təşkilati səviyyəsinə heyran oldum

Bakı, 5 iyun, AZƏRTAC

Mən buraya təcrübə toplamağa, yarışlarda iştirak etməyə gəlmişəm. Bakıda bizi çox yaxşı qarşıladılar. Bura çox xoşuma gəldi. Velosiped treki beynəlxalq standartlara tamamilə uyğundur. Yol çox xoşuma gəldi.

Velosiped idmanının ВМХ (Biker Moto Cross) növü üzrə Bakıda keçirilən dünya çempionatının iştirakçısı, Rusiyanın yeniyetmələrdən ibarət yığma komandasının üzvü Vadim Proxorov bu sözləri AZƏRTAC-a müsahibəsində söyləyib.

On dörd yaşlı rusiyalı idmançı bildirib ki, Bakıya ilk dəfə gəlib və belə nüfuzlu yarışda ilk dəfə iştirak edir.

V.Proxorov təəssüratlarını bölüşərək deyib: “Bakıda keçirilən çempionatın yüksək təşkilati səviyyəsinə heyran oldum. Mən “Challеnge” qrupunda yarışacağam. Bu qrupda 1300-dən çox idmançı qüvvəsini sınayacaq. Fikrimcə, Azərbaycan idmançıları yaxşı nəticə göstərə biləcəklər, bunun üçün onların hər cür şansı var. Çempionatda çox səmimi ab-hava duyulur”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.