SİYASƏT


Rusiyalı politoloq “Ermənistanın müasir dövlət ideologiyasının allyuziyaları” adlı hesabat hazırlayıb

Bakı, 28 yanvar, AZƏRTAC

Beynəlxalq Münasibətlərin Təhlili Mərkəzinin (BMTM) təşkilatçılığı və dəstəyi, rusiyalı politoloq Oleq Kuznetsovun müəllifliyi ilə “Ermənistanın müasir dövlət ideologiyasının allyuziyaları” adlı hesabat hazırlanıb.

BMTM-in mətbuat xidmətindən AZƏRTAC-a bildiriblər ki, yazıda ötən ilin sentyabrında Ermənistan-Azərbaycan münaqişəsi ilə bağlı hərbi əməliyyatların başlamasından və Azərbaycanın öz torpaqlarını işğaldan azad etməsindən sonra təcavüzkar ölkədə siyasi böhranın hökm sürdüyü, ölkənin siyasi partiyaların hakimiyyət uğrunda mübarizə məkanına çevrildiyinə diqqət çəkilir. Bildirilir ki, Ermənistan silahlı qüvvələrinin Azərbaycan Ordusu tərəfindən məğlubiyyətə uğradılması Ermənistan cəmiyyətində psixoloji şok effekti yaradıb. Həmçinin qeyd olunur ki, erməni cəmiyyətinin Azərbaycana uduzmasının kökündə təcavüzkar dövlət ideologiyası olan tsexakronizm ideologiyasının dayandığını etiraf etməyə hələ də cəsarəti çatmır.

Müəllif, eyni zamanda, Qaregin Njdenin bu ölkədə qəhrəmanlaşdırılması, banisi olduğu tsexakronizm ideologiyasının mahiyyəti və tarixi barədə yazır, son 20 ildə bu ideologiyanın Ermənistanın idarəçilik sistemində mərkəz mövqedə dayandığına dair əsaslar gətirir. O qeyd edir ki, nasizm ideologiyasının təbliğatçısı olan Qaregin Njdenin erməni xalqının üstünlüyünü ehtiva edən tsexakronizm ideologiyası erməni xalqının milli kimliyinə daxil olub və ölkədə geniş şəkildə təbliğ edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.