ELM VƏ TƏHSİL


Rusiyanın “Ali İqtisadiyyat Məktəbi” Milli Tədqiqat Universitetinin müəllimləri UNEC-də mühazirə keçəcəklər

Bakı, 23 yanvar, AZƏRTAC

Rusiyanın “Ali İqtisadiyyat Məktəbi” Milli Tədqiqat Universitetinin (AİM–MTU) nümayəndələri Azərbaycan Dövlət İqtisad Universitetində (UNEC) olublar.

UNEC-dən AZƏRTAC-a bildirilib ki, rusiyalı nümayəndələr universitetin elmi fəaliyyətin təşkili və idarə edilməsi departamentinin direktoru, professor Zahid Məmmədov və beynəlxalq əməkdaşlıq departamentinin əməkdaşları ilə görüşüblər.

Görüşdə iki universitet arasında əlaqələrin daha da genişləndirilməsi, o cümlədən müəllim-tələbə mübadiləsi, birgə elmi konfransların təşkili və digər istiqamətlərdə müzakirələr aparılıb.

Sonra qonaqlar UNEC-in infrastrukturu, təlim-tədris prosesi ilə tanış olub, imtahan prosesini müşahidə ediblər.

Səfər çərçivəsində AİM–MTU-nun müəllimləri UNEC-in Rus İqtisad Məktəbinin tələbələrinə “Rəqəmsal iqtisadiyyat” və “Özəl hüquq” mövzularında mühazirə keçəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.