MƏDƏNİYYƏT


Rusiyanın Azərbaycanlı Gənclər Birliyinin dəstəyi ilə Azərbaycan mədəniyyəti “Dünya MİREA-da” festivalında nümayiş etdirilib

Moskva, 20 aprel, AZƏRTAC 

Rusiyanın Azərbaycanlı Gənclər Birliyinin (RAGB) dəstəyi ilə Azərbaycan mədəniyyəti Moskva Texnologiya Universitetində (MİREA) keçirilən “Dünya MİREA-da” beynəlmiləl festivalında nümayiş etdirilib.

AZƏRTAC xəbər verir ki, universitetin Azərbaycan Tələbə Klubunun nümayəndələri RAGB-nin dəstəyi ilə festivalda fəal iştirak ediblər.

Azərbaycan, Qazaxıstan, Özbəkistan, Gürcüstan, Suriya, Anqola və digər ölkələrin bu universitetdə təhsil alan nümayəndələri bir yerə toplaşaraq öz ölkələri, tarixləri, adət-ənənələri ilə bir-birlərini tanış ediblər, milli mətbəxlərin ləziz təamlarına qonaq ediblər.

Universitetin Azərbaycan Klubunun üzvləri milli geyimdə qonaqları ayrıca meydançada qarşılayıb, onlara rəqs etmək və musiqi alətlərində çalmaqda ustad dərsləri göstəriblər.

Klubun fəalları tariximiz, mədəniyyətimiz və Azərbaycan xalqının adət-ənənələri barədə məlumat verən improvizasiyalı stend hazırlayıblar. Qonaqlar milli mətbəximizin ləziz təamlarından dadıblar. Stenddə suvenirlər, milli geyimlər, məişət əşyaları, broşürlər, “AMOR” jurnalı, video və fotomateriallar nümayiş etdirilib.

MİREA-nın rektoru Stanislav Kuc azərbaycanlı tələbələrlə söhbətində onlara festivalda uğurlar arzulayıb.

Festival yaradıcı kollektivlərin çıxışları ilə davam edib. Tədbirin Azərbaycanla bağlı hissəsi “Qarabağ” rəqs ansamblının ifasında “Naz eləmə” milli rəqsi ilə başlayıb. “Mən azərbaycanlıyam” adlı vokal nömrə ilə RAGB-nin fəalı Dilqəm Verdiyev çıxış edib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.