DÜNYA


Rusiyanın “Birinci kanal”ı yeni şou təqdim edəcək

Moskva, 5 fevral, AZƏRTAC 

Rusiya televiziyasının “Birinci kanal”ı “Oryol və reşka” verilişinin keçmiş aparıcısı Janna Badoyevanın təqdimatında səyahətlər barədə şounun yayımına başlayacaq.

AZƏRTAC xəbər verir ki, telekanalın yaydığı mətbuat üçün məlumatda Janna Badoyevanın “Başqalarının həyatı” adlı yeni teleşounun aparıcısı olacağı bildirilir.

Press-relizdə qeyd olunur ki, teleşounun tamaşaçıları “Sinqapurda uşaq bağçası neçəyədir və niyə orada körpələri gəzintiyə çıxarmırlar? Amsterdamda doğum evi necədir və Qırmızı fənərlər küçəsində ən qədim peşə sahibləri nədən utanırlar ? Qondolyerlər (qayığı idarə edən şəxs) nə qədər qazanır və Venesiyada ölüləri adətən harada dəfn edirlər?” kimi ən maraqlı suallara nəhayət ki, cavab alacaq və əcnəbilərin həyatını təfərrüatı ilə öyrənəcəklər.

Teleaparıcının sözlərinə görə, proqramın ən mürəkkəb hissəsi çəkiliş qrupunu evinə buraxan, özlərinin adət və ənənələri, həmçinin qiymətlər və əməkhaqları barədə səmimi, doğru-düzgün danışan qəhrəmanları tapmaqdır.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.