DÜNYA


Rusiyanın Krasnoyarsk diyarında yanğınlar nəticəsində 5 nəfər həlak olub VİDEO

Moskva, 7 may, AZƏRTAC

Rusiyanın Krasnoyarsk diyarında yanğınlar nəticəsində 5 nəfər həlak olub.

AZƏRTAC xəbər verir ki, bu barədə Rusiya FHN-in Krasnoyarsk üzrə Baş İdarəsi məlumat yayıb.

Hazırda regionun 16 yaşayış məntəqəsində yanğın 200-ə yaxın evi bürüyüb. Saniyədə 40 metr sürətlə əsən külək yanğının söndürülməsinə mane olur. Regionda fövqəladə vəziyyət elan edilib.

Omsk vilayətində də güclü külək səbəbindən kütləvi yanğınlar müşahidə olunur. Burada 288 nəfər evsiz qalıb.

Vilayətin qubernatoru Aleksandr Burkovun sözlərinə görə, bu vilayətdə 8 yaşayış məntəqəsində 94 ev yanıb, 288 nəfər, o cümlədən 81 uşaq evsiz-eşiksiz qalıb.

Regionda qeyri-sabit hava şəraitinin daha bir neçə gün davam edəcəyi bildirilir.

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.