İDMAN


Rusiyanın iki qadın tennisçisi ömürlük diskvalifikasiya olunub

Bakı, 27 yanvar, AZƏRTAC

Rusiyalı tennisçilər Sofiya Dmitriyeva və Aliya Merdeyeva danışılmış oyunlarda iştirak etdiklərinə ömürlük diskvalifikasiya ediliblər.

AZƏRTAC xəbər verir ki, bu barədə “Tennis Integrity Unit”in mətbuat xidməti məlumat yayıb.

Tennisçilər danışılmış matçların ikisində cütlük şəklində çıxış ediblər. Bundan başqa, A.Merdeyeva istintaqla əməkdaşlıqdan imtina etməkdə günahlandırılır. Hər iki tennisçinin rəsmi tennis yarışlarına qatılması qadağan edilib.

Qadın Tennis Assosiasiyasının reytinqində 26 yaşlı S.Dmitriyeva 900-cü yerdədir, dünya sıralamasında ən yüksək mövqeyi 2017-ci ildə olub (644-cü yer). İyirmi üç yaşlı A.Merdeyeva isə reytinqdə 982-ci yerdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.