MƏDƏNİYYƏT


Rusiyanın məşhur dirijoru Bakıda konsert verəcək VİDEO

Bakı, 10 yanvar, AZƏRTAC

Fevralın 23-də Heydər Əliyev Sarayında məşhur rusiyalı dirijor, musiqiçi və bəstəkar İqor Ponomarenkonun iştirakı ilə “Cinema Hits Show” konsert proqramı təşkil ediləcək.

Sarayın mətbuat xidmətindən AZƏRTAC-a bildirilib ki, konsertdə dünyaca məşhur bəstəkarlar Ennio Morricone, Ramin Cavadi, Vladimir Kosma, Nino Rota və digərlərinin əsərləri təqdim olunacaq.

“İP Orchestra”nın təqdimatında “Titanic”, “The Godfather”, “Game of Thrones”, “Fifth Element”, “Sherlock Holmes”, “Star Wars”, “Pirates of the Caribean”, “Harry Potter”, “Kill Bill”, “Pink Panther”, “Pretty Woman” və digər əfsanəvi kinofilmlərdən musiqilər səsləndiriləcək.

Biletləri Heydər Əliyev Sarayının kassasından, iticket.az saytından onlayn, “ASAN xidmət”, “Gənclik” və “28 Mall” ticarət mərkəzlərindəki kassalardan əldə etmək olar.

İqor Ponomarenko dəfələrlə Azərbaycanda böyük konsert proqramları ilə çıxış edən məşhur musiqiçi, dirijor, bəstəkar və “IP Orchestra” layihəsinin rəhbəridir. O, Dubayda “Transformers” filminin musiqisinə yazılmış yeni "Concordia" layihəsini uğurla təqdim edib.

Sənətkar mütəmadi olaraq Rusiya və digər ölkələrdə konsert proqramları ilə çıxış edir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.