“Azərdəmiryolbank” Səhmdar Bankı səhmdarlarının martın 6-da keçirilmiş ümumi yığıncağında bu barədə qərar qəbul edilmişdir. Bankdan AZƏRTAC-a bildirmişlər ki, yığıncaqda idarə heyətinin və təftiş komissiyasının hesabatları dinlənilmişdir.

İclasda Azərbaycan xalqının ümummilli lideri Prezident Heydər Əliyevin əziz xatirəsi bir dəqiqəlik sükutla yad edilmişdir. Bankın səhmdarları Prezident Heydər Əliyevin adına təsis olunacaq Fonda öz hesablarından 100 milyon manatlıq imtiyazlı səhm bağışlanması haqqında qərar qəbul etmişlər. “Azərdəmiryolbank”ın bu səhm üzrə ödəniləcək dividentləri Heydər Əliyev adına Fonddan xeyriyyə məqsədlərinə yönəldiləcəkdir.

Səhmdarlar bankın nizamnamə kapitalının 2 milyard manat artırılaraq 20 milyard manata çatdırılması barədə qərar qəbul etmişlər.