SİYASƏT
ŞAHZADƏ DİANANIN HƏLAK OLMASI FAKTI ÜZRƏ YENİ TƏHQİQAT APARILACAQ
Qəzet yazır ki, şahzadə Diananı və rəfiqi Dodi əl-Fayedi aparan maşının sürücüsünün valideynləri 7 il əvvəl onun ölümü barədə verilmiş tibbi rəyi rədd edirlər.
Tibbi rəydə bildirilirdi ki, Pol sükan arxasında əyləşməzdən əvvəl çoxlu spirtli içki içmiş və alkoqollu içki içərkən qəbul olunması qadağan edilən dərman atmışdır. Məhkəmənin qərarına, sürücünün valideynlərinin və Dodi əl-Fayedin atasının təkidinə əsasən, Polun qanının nümunələri təkrar təhqiqata veriləcəkdir.
Xatırladaq ki, Parisdə şahzadə Diananın və Dodi əl-Fayedin getdikləri “Mersedes” maşını onları izləyən paparatsilərdən (məşhur adamları güdən fotomüxbirlər) uzaqlaşmağa cəhd göstərərkən tuneldə yoldan çıxaraq divara dəymiş və qəzaya uğramışdır. Nəticədə hər üçü həlak olmuşdur.