MƏDƏNİYYƏT


ŞƏKİ TEATRININ QASTROL SƏFƏRİ BAŞA ÇATMIŞDIR

Şəki Dövlət Dram Teatrının Bakı şəhərinə qastrol səfəri uğurla başa çatmışdır.

Mədəniyyət Nazirliyinin təşəbbüsü ilə həyata keçirilən və 4 gün davam edən qastrol günlərində teatrın yaradıcı kollektivi paytaxt tamaşaçılarına italyan dramaturqu Eduardo De Filipponun “Ruhlar”, Hidayətin “Məni qınamayın” komediyalarını və Bəxtiyar Vahabzadənin “Cəzasız günah” dramını təqdim etmişdir. Qastrol səfəri Gənc Tamaşaçılar Teatrında, əməkdar incəsənət xadimi Hüseynağa Atakişiyevin quruluşçu rejissoru olduğu “Ruhlar” komediyası ilə başlamışdır.

Teatrın direktoru Hikmət Nəbiyev AZƏRTAC-ın müxbirinə bildirmişdir ki, qastrol səfəri ərəfəsində Azərbaycan Prezidenti İlham Əliyevin Şəki teatrına göndərdiyi məktubda ifadə olunan səmimi fikirlər və xoş arzular kollektivdə böyük ruh yüksəkliyi yaratmışdır.

Qastrol səfərinin sonuncu günü Şəki teatrına, aktyorlardan Xanlar Həşimzadə, Əbülfət Salahov və Qənirə Məmmədovaya Teatr Xadimləri İttifaqının fəxri fərmanları təqdim olunmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.