İQTİSADİYYAT


SAP-ın təlim və inkişaf modulunun tətbiqinin SOCAR-ın bütün struktur bölmələrində aparılması planlaşdırılır

Bakı, 2 iyun, AZƏRTAC

SAP-ın təlim və inkişaf modulunun tətbiqi üzrə məlumatlandırıcı sessiyaların birinci hissəsi tamamlanıb.

AZƏRTAC SOCAR-a istinadla xəbər verir ki, “İnsan resurslarının idarə edilməsi proseslərinin transformasiyası” Proqramının təlim və inkişaf modulunun tətbiqi üzrə aprel ayının 18-dən başlayaraq “Azneft” İstehsalat Birliyinin idarəetmə aparatında və birliyin strukturuna daxil olan bütün təşkilatlarda təqribən 700 nəfər rəhbər işçi üçün məlumatlandırıcı sessiyalar keçirilib. Bu sessiyalarda əsasən SAP-ın təlim və inkişaf modulunun məqsədi, üstünlükləri və rəhbər işçilərin proqramdakı rolundan bəhs olunub, əməkdaşların proqramın tətbiqi ilə bağlı sualları cavablandırılıb.

Növbəti mərhələdə həmin işçilər üçün SAP-ın yeni istifadəyə verilmiş portalında distant təlim kurslarının hazırlanması və birliyin xətti rəhbərliyinin distant metod ilə bu proqramın istifadə qaydaları üzrə təlimatlandırılması nəzərdə tutulub.

2018-ci ilin sonundan isə SAP-ın təlim və inkişaf modulunun tətbiqinin SOCAR-ın bütün struktur bölmələrini ehtiva etməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.