AZƏRTAC xəbər verir ki, Bakı şəhər Gənclər və İdman Baş İdarəsinin təşkilatçılığı ilə “Pəhləvan” idman klubunda yeniyetmələr arasında keçirilən sərbəst güləş üzrə paytaxt birinciliyinə yekun vurulmuşdur.

Bakının 15-ə yaxın idman klubu və cəmiyyətindən 212 pəhləvanın 10 çəki dərəcəsi üzrə mübarizə apardığı yarışları baş hakim Ramiz Hacıyevin rəhbərliyi ilə hakimlər briqadası idarə etmişdir.

Etibar Əliyev (42 kq, ROİL), Əli Hüseynov (46 kq, ROİL), Orxan Məmmədov (50 kq, DİN İC), Ağəli Ramazanov (54 kq, “Təhsil” RİM), Cəbrayıl Həsənov (58 kq, ROİL), Orxan Xıdırov (63 kq, “Zenit” İC), Samir Hacıyev (69 kq, ROİL), Amid Hüseynov (76 kq, ROİL), Elvar Quliyev (85 kq, “Neftçi” İSM), Sənan Bağırov (100 kq, “Təhsil” RİM) birinci yer tutmuşlar. Xatırladaq ki, hər çəki dərəcəsi üzrə ilk 6 yerin sahibləri mayda yeniyetmələr arasında keçiriləcək V Respublika oyunlarında iştirak etmək hüququ qazanmışlar.