SƏRHƏDLƏRİN TƏHLÜKƏSİZLİYİNƏ HƏSR EDİLMİŞ KURS BAŞA ÇATMIŞDIR

AZƏRTAC xəbər verir ki, Bakıda Dünya Gömrük Təşkilatının Regional Tədris Mərkəzində Fransa səfirliyi tərəfindən keçirilən və “Sərhədlərin təhlükəsizliyi” mövzusuna həsr olunmuş təkmilləşdirmə kursu başa çatmışdır. Fransalı mütəxəssislər tərəfindən aparılan kursda gömrük və sərhəd xidmətlərinin əməkdaşlarına saxtalaşdırılmış sənədlərin aşkar edilməsi metodologiyası və hava limanının təhlükəsizliyinə nəzarət, sərhəd təhlükəsizliyinə nəzarətin taktiki aspektləri öyrədilmişdir. Həmin xidmətlərin bir qrup əməkdaşının Fransaya dəvət olunması və bu cür məşğələlərin Parisdə də keçirilməsi qərara alınmışdır.