Şərur rayonundakı Türk Oğlanlar liseyinin yarandığı gündən indiyədək 278 məzunundan yalnız bir nəfəri ali təhsildən kənarda qalmışdır.

AZƏRTAC-ın müxbiri xəbər verir ki, akademik Əhməd Mahmudovun adını daşıyan liseyin şagirdlərinin builki uğurları xüsusilə təqdirəlayiqdir. Türkmənistanın paytaxtı Aşqabad şəhərində keçirilən ikinci beynəlxalq kompüter yarışlarında respublikamızı təmsil edən bu məktəbin şagirdlərindən Murad Süleymanov və Asim Qəribov qızıl medala layiq görülmüşlər. Bu yaxınlarda İstanbulda keçirilən beynəlxalq bilik yarışlarında isə şagirdlərdən Yunis İsmayılov ikinci, Cəlal Həsənli üçüncü yeri qazanmışlar.