SƏUDİYYƏ İNKİŞAF FONDU BAKIDA 5 MƏKTƏBİNTİKİNTİSİNƏ 9,5 MİLYON DOLLAR KREDİT AYIRMIŞDIR

Səudiyyə İnkişaf fondu Bakıda 5 məktəbin tikilməsi və təchiz olunması layihəsinin maliyyələşdirilməsinə 9,5 milyon dollar məbləğində kredit ayırmışdır.

Səudiyyə Ərəbistanı Krallığının Bakıdakı səfirliyindən AZƏRTAC-ın müxbirinə bildirmişlər ki, bu kreditin verilməsi barədə razılıq Azərbaycan hökuməti nümayəndə heyətinin bu ilin əvvəllərində Səudiyyə Ərəbistanına səfərləri zamanı Səudiyyə İnkişaf Fondunun rəhbərliyi ilə aparılan danışıqlar nəticəsində əldə olunmuşdur.

Razılaşmaya görə, kredit 20 il müddətinə güzəştlə veriləcəkdir. Kredit sazişinin şərtlərinə görə, bu sənədin imzalandığı vaxtdan 5 il sonra əsas vəsaitin qaytarılmasına başlanacaqdır.