ELM VƏ TƏHSİL
SİMA Elm və Təhsil Nazirliyinin informasiya sisteminə inteqrasiya edilib
Bakı, 2 iyun, AZƏRTAC
Elm və Təhsil Nazirliyinin informasiya sistemlərinə giriş bulud əsaslı yeni nəsil rəqəmsal imza – SİMA ilə həyata keçirilməyə başlanılıb.
Nazirlikdən AZƏRTAC-a verilən məlumata görə, sözügedən imza ilə Təhsil Mərkəzləşdirilmiş İnformasiya Sisteminin “Ali və orta ixtisas təhsili” altsisteminə giriş prosesi sadələşdiriləcək.
Ölkəmizdə fəaliyyət göstərən ali, orta ixtisas təhsili müəssisələri, həmçinin tabeliyində ali və orta ixtisas təhsili müəssisəsi və elmi təşkilatlar olan qurumların məsul şəxsləri http://www.atis.edu.az portalına daxil olduqları zaman şəxsiyyətin eyniləşdirilməsi SİMA vasitəsilə mümkün olacaq. Bununla da biometrik həllərə əsaslanan yeni nəsil rəqəmsal imza ilə sistemə daha etibarlı giriş təmin ediləcək.