İQTİSADİYYAT


SOCAR: İlin sonunadək Almaniya tərəfindən "Cənub Qaz Dəhlizi" layihəsinə 1,5 milyard dollaradək kredit cəlb ediləcək

Bakı, 9 oktyabr, Nihad Budaqov, AZƏRTAC

Bu ilin sonuna kimi Almaniya tərəfindən "Cənub Qaz Dəhlizi" layihəsinə 1,5 milyard dollaradək kredit cəlb olunacaq.

AZƏRTAC xəbər verir ki, bu barədə SOCAR-ın sərmayələr və marketinq üzrə vitse-prezidentinin müavini Vitali Bəylərbəyov Bakıda keçirilən Alman-Azərbaycan biznes forumunda deyib.

"Cənub Qaz Dəhlizi böyük meqastruktur, ən uzun boru kəmərləri zənciridir. Bu dəhliz vasitəsilə Avropaya yeni mənbədən təbii qaz təmin edəcək. Almaniyanın "Uniper" şirkəti Azərbaycan təbii qazının alıcılarındən biridir. "Deutsche Bank" isə TAP layihəsinin maliyyələşdirilməsinin iştirakçısıdır. "Siemens" şirkəti də Azərbaycanda qaz boru kəmərləri üçün kompressor təminatında iştirak edir. Digər alman şirkətlərinin isə "Azərikimya" ilə müxtəlif əməkdaşlıq əlaqələri var", - deyə V.Bəylərbəyov qeyd edib

O bildirib: "Almaniya tərəfindən "Cənub Qaz Dəhlizi" layihəsinə 1,5 milyard dollaradək kreditin cəlb edilməsinə dair zəmanət verilib. Növbəti mərhələ olaraq zəmanətin verilməsinin təsdiq edilməsi nəzərdə tutulur. Bununla əlaqədar “Cənub Qaz Dəhlizi” QSC ilə Almaniya Federativ Respublikası adından çıxış edən “Hermes” şirkəti və aidiyyəti banklarla kreditin şərtləri ilə bağlı müvafiq danışıqlar aparır. Kreditin cəlbi bu ilin sonuna kimi yekunlaşacaq".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.