İQTİSADİYYAT


SOCAR-da işləyənlərin sayı açıqlanıb

Bakı, 3 dekabr, AZƏRTAC

SOCAR-ın işçilərinin və şirkətin struktur bölmələrinin sayı açıqlanıb.

AZƏRTAC şirkətin 2019-cu ilə dair “Davamlı inkişaf üzrə illik hesabat”ına istinadla xəbər verir ki, Azərbaycanın ən böyük şirkəti olan SOCAR ölkədə neft və qaz yataqlarının axtarışı, kəşfiyyatı və işlənməsi, neft, qaz və qaz kondensatının hasilatı, emalı və nəqli, həmçinin neft, qaz və neft-kimya məhsullarının daxili və xarici bazarlarda satışını həyata keçirməklə və 51 min 695 (2018-ci ildə 51 min 125) insanı iş ilə təmin etməklə ölkənin davamlı iqtisadiyyatında olduqca mühüm yer tutur.

2019-cu ildə SOCAR Azərbaycanın tərkibində hüquqi şəxs statusuna malik 3 istehsalat birliyi, 5 zavod, 2 trest və bir institut daxil olmaqla 27 struktur bölməsi fəaliyyət göstərib. Eyni zamanda, şirkət Xəzər dənizinin Azərbaycan sektorunda və quruda yerləşən yataqlarda hasilatın pay bölgüsü sazişləri üzrə tərəfdaşdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.