AZƏRTAC xəbər verir ki, martın 31-də Goranboy rayonunda soyqırımı qurbanlarının xatirəsinə ucaldılmış abidənin qarşısında əmək kollektivləri nümayəndələrinin, veteranların, ziyalılar və gənclərin iştirakı ilə anma mərasimi keçirilmişdir.

Mərasimdə çıxış edən natiqlər erməni cəlladlarının və onların havadarlarının qanlı cinayətlərinə nifrətlərini bildirmiş, daşnakların zaman-zaman xalqımızın başına gətirdikləri müsibətləri xatırladaraq vurğulamışlar ki, 200 ildir davam edən bu soyqırımı nəticəsində on minlərlə soydaşımız qətlə yetirilmiş, yurdundan-yuvasından didərgin salınmışdır. Qeyd olunmuşdur ki, ermənilərin 1992-ci ildə törətdikləri Xocalı soyqırımının XX əsr tarixində analoqu yoxdur. Azərbaycanlıların soyqırımı yalnız ümummilli liderimiz Heydər Əliyevin hakimiyyəti dövründə dövlət səviyyəsində anma günü qeyd olunmağa başlanmış, tarixi gerçəkliklərin dünya ictimaiyyətinə çatdırılması istiqamətində işlər görülmüşdür.

Mərasim məktəblilərin göstərdikləri kompozosiya ilə başa çatmışdır.