AZƏRTAC-ın müxbiri xəbər verir ki, Norveçin “Statoyl” neft şirkətinin nümayəndələri Xəzər dənizinin Qazaxıstan sektorunda neft yataqlarının işlənilməsi ilə bağlı “QazMunayQaz” Milli Neft Şirkəti ilə danışıqlar aparırlar. Yaxın vaxtlarda Norveç şirkətinin işləyəcəyi yataqlar tam məlum olacaqdır.

“Statoyl”un vitse-prezidenti Ottar Rekdal jurnalistlərə bildirmişdir ki, şirkət Azərbaycanda uğurla fəaliyyət göstərir və Xəzərin Rusiya sektorunda da işləməyi nəzərdə tutur.