DÜNYA


S-400 komplekslərinin sifarişi üzrə Türkiyə ilə müqavilənin qiyməti 2 milyard dolları ötüb

Bakı, 2 noyabr, AZƏRTAC

S-400 “Triumf” zenit raket komplekslərinin sifarişi üzrə Türkiyə ilə müqavilənin qiyməti 2 milyard dolları keçib. Bunu “Rostex” dövlət korporasiyasının baş direktoru Sergey Çemezov bildirib.

AZƏRTAC TASS informasiya agentliyinə istinadla xəbər verir ki, bir qədər əvvəl Rusiya Prezidentinin hərbi-texniki əməkdaşlıq məsələləri üzrə köməkçisi Vladimir Kojin Türkiyəyə S-400 komplekslərinin çatdırılması üzrə müqavilənin icrasına hazırlıq görüldüyünü deyib. Türkiyə Müdafiə Sənayesi Katibliyinin sədr müavini İsmayıl Demirin sözlərinə görə, C-400 sistemlərinin çatdırılması iki il ərzində başlayacaq.

Uzaq məsafəli zenit raket sistemi - S-400 “Triumf” Rusiyada silahlanmaya 2007-ci ildə qəbul olunub. O, aviasiya vasitələrini, qanadlı raketləri, o cümlədən orta təsir radiuslu ballistik raketləri, həmçinin yerüstü obyektləri məhv etmək üçün nəzərdə tutulub. Rusiya Hərbi Kosmik Qüvvələri komandanının müavini aprel ayında silahlanmaya S-400 sistemləri üçün yaxın kosmosdakı hədəfləri vura biləcək raketlərin daxil olduğunu qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.