CƏMİYYƏT


Saatlı rayon sakininin evindən iki kiloqramdan çox marixuana götürülüb

Bakı, 16 avqust, AZƏRTAC 

Respublikanın daxili işlər orqanları narkotik vasitələrin, psixotrop maddələrin və onların prekursorlarının qanunsuz dövriyyəsi və kultivasiya yolu ilə yetişdirilən narkotik tərkibli bitkilərin aşkarlanması istiqamətində tədbirləri qətiyyətlə davam etdirirlər.

Daxili İşlər Nazirliyinin mətbuat xidmətindən AZƏRTAC-a bildiriblər ki, əldə edilən məlumat əsasında Saatlı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Şirinbəy kənd sakini Amid Cəfərova məxsus həyətyanı sahədə kultivasiya yolu ilə yetişdirilmiş 1 ədəd çətənə kolu, evindən isə 2 kiloqram 700 qram marixuana aşkarlanaraq götürülüb.

Daxil olmuş əməliyyat məlumatı əsasında Xəzər Rayon Polis İdarəsinin əməkdaşları tərəfindən isə Mərdəkan qəsəbəsi ərazisində yaşayan Emin Nəcəfovun evinə baxış keçirilib və oradan 355 qram marixuana aşkar edilərək götürülüb.

Hər iki faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.