CƏMİYYƏT


Saatlı rayonunda maarifləndirmə tədbiri keçirilib

Bakı, 19 avqust, AZƏRTAC 

Avqustun 19-da Dini Qurumlarla İş üzrə Dövlət Komitəsinin (DQİDK) İmişli bölgəsi üzrə şöbəsinin təşkilatçılığı ilə Saatlı rayon məscidi dini icmasında “Milli-mənəvi dəyərlərimizdə vəhdət prinsipi” mövzusunda maarifləndirici tədbir keçirilib.

Tədbirdə DQİDK-nın İmişli bölgəsi üzrə şöbəsinin əməkdaşı Elvin İbrahimov, Saatlı rayon Mustafabəyli kənd inzibati ərazi dairəsi üzrə icra nümayəndəsi Nizaməddin Astanov, Saatlı şəhər “Yeni” məscidi dini icmasının imam müavini Mahir Əmirov, Mustafabəyli kənd “İmam Əli” məscidi dini icmasının mütəvəllisi Teymur Süleymanov, dini icmanın üzvləri, dindarlar və gənclər iştirak ediblər.

AZƏRTAC xəbər verir ki, çıxışlarda milli-mənəvi dəyərlərin hər bir xalqın ən qiymətli sərvəti olduğu, Azərbaycan xalqının yaşatdığı və təbliğ etdiyi bəşəri ideyaların və dini ənənələrin özünəməxsusluğu ilə seçildiyi vurğulanıb. Azərbaycanda tarixboyu digər xalqlara və millətlərə hörmətlə yanaşıldığı diqqətə çatdırılıb. Əsası ulu öndər Heydər Əliyev tərəfindən qoyulmuş dövlət-din siyasətinin Prezident İlham Əliyev tərəfindən böyük uğurla həyata keçirilməsindən, bu sahədə görülən işlərdən də söhbət açılıb.

Sonda tədbir iştirakçılarını maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.