REGİONLAR


Saatlıda bu günə kimi 28 min 840 ton pambıq tədarük olunub

Saatlı, 30 noyabr, Mahir Babayev, AZƏRTAC

Saatlıda pambıq plantasiyalarından bu günə kimi 28 min 840 ton pambıq yığılıb. Yığılan məhsulun 19 min 698 tonu maşınların köməyi ilə toplanılıb. Hazırda pambıq plantasiyalarında xarici ölkələrdən gətirilən 41 ən müasir pambıqyığan kombayn işləyir və hər gün toplanan məhsulun 70-75 faizi bu maşınlarla yığılır.

Rayon Statistika İdarəsindən AZƏRTAC-ın bölgə müxbirinə bildiriblər ki, bu il Saatlıda 15 min 815 hektar sahədə pambıq əkilib. Səpindən tutmuş yığım kampaniyasınadək bütün aqrotexniki tədbirlərə düzgün əməl edildiyindən bu il sahələrdə məhsul çox olub. Yığıma mütəşəkkil başlayan pambıqçılar yetişdirdikləri məhsulu son qozasınadək toplamaq üçün bütün imkanlardan səmərəli istifadə edirlər. Hazırda pambıq plantasiyalarında üçüncü yığım gedir və hər gün sahələrdən 170-200 ton məhsul toplanılır. Rayonun Fətəlikənd, Qaranuru, Əhmədbəyli, Qıraqlı kənd inzibati ərazi dairəsi üzrə nümayəndəliklərdə yığım kampaniyası daha sürətlə davam edir. Bu il ərazi vahidlərinin əhatə etdiyi kəndlərdə ötən ildəkindən çox məhsul var və sahibkarlar yığım apardıqları sahələrin hər hektarından 30-35 sentner məhsul götürürlər.

Qeyd edək ki, bu mövsüm saatlılı pambıqçılar sahələrdən 30-35 min ton pambıq toplamağı planlaşdırıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.