Sabah Antalyada cüdo üzrə “Böyük dəbilqə” turnir start götürəcək

Bakı, 31 mart, AZƏRTAC

Aprelin 1-də Antalyada cüdo üzrə “Böyük dəbilqə” turniri start götürəcək.

AZƏRTAC xəbər verir ki, Azərbaycanı yarışda 17 idmançı təmsil edəcək. Kişilər arasında turnirə təmsilçilərimiz Turan Bayramov, Rövşən Əliyev (hər ikisi 60 kq), Orxan Səfərov, Yaşar Nəcəfov (66 kq), Rüstəm Orucov, Telman Vəliyev (hər ikisi 73 kq), Murad Fətiyev, Elcan Hacıyev (81 kq), Rüfət İsmayılov (90 kq), Elmar Qasımov, Zelim Kotsoyev (hər ikisi 100 kq), Uşangi Kokauri və İmran Yusifov (hər ikisi +100 kq) qatılacaqlar. Qadınlar arasında yarışda isə cüdoçularımız Leyla Əliyeva, Şəfəq Həmidova (48 kq), Gültac Məmmədəliyeva (52 kq) və Günel Həsənli (70 kq) güclərini sınayacaqlar.

Aprelin 3-dək davam edəcək yarışda 64 ölkədən 500-dən çox cüdoçu iştirak edəcək.