“Sabah” klubu “Səbail”ə böyük hesabla qalib gəlib

Bakı, 6 fevral, AZƏRTAC

“Sabah” – “Səbail” matçı ilə futbol üzrə Azərbaycan Premyer Liqasında XXI tura yekun vurulub.

AZƏRTAC xəbər verir ki, turun son oyununda “Sabah” klubu böyük hesablı qələbə qazanıb – 4:0.

“Bank Respublika Arena”da oynanılan matçda qolları Davit Volkov (2 top), Coy Lens Mikels və Emmanuel Apeh vurublar.

Bu qələbədən sonra xallarının sayını 52-yə çatdıran “Sabah” turnir cədvəlinin ikinci pilləsindəki yerini möhkəmlədib. Sonuncu pillədə olan “Səbail”in isə aktivində 13 xal var.

Turun digər oyunlarında “Kəpəz” “Qarabağ”la (1:1), “Zirə” “Qəbələ” ilə (2:2) heç-heçə edib, “Neftçi” “Sumqayıt”ı öz meydanında (2:0), “Turan Tovuz” isə “Şamaxı”nı səfərdə (1:0) məğlub edib.