“Sabah” və “Dinamo” arasında əməkdaşlıq çərçivəsində növbəti görüş olub

Bakı, 30 mart, AZƏRTAC

Bakının “Sabah” və Xorvatiyanın “Dinamo” (Zaqreb) futbol klubları arasında əməkdaşlıq çərçivəsində növbəti görüş olub.

AZƏRTAC Bakı klubuna istinadla xəbər verir ki, görüş Zaqreb təmsilçisinin U-19 komandasının baş məşqçisi İvan Senzen ilə “Sabah” Akademiyasının məşqçiləri arasında olub.

Onlayn şəkildə keçirilən görüş zamanı Senzen məşqçilərlə öz təcrübəsini bölüşüb, “Dinamo”nun aşağı yaş qruplarında keçirilən fiziki məşqlərin metodikası barədə məlumat verib.

Daha sonra “Sabah” Akademiyasının məşqçiləri İ.Senzenə onlara maraqlı olan sualları ünvanlayıblar.

Növbəti görüşün “Dinamo” (Zaqreb) Futbol Akademiyasında keçirilən taktiki məşqlər barədə olması nəzərdə tutulub.