İDMAN


“Sabah”ın təcrübə proqramının təqdimatı olub

Bakı, 9 dekabr, AZƏRTAC

“Sabah” futbol klubunun təcrübə proqramı ilə bağlı Azərbaycan Dövlət Bədən Tərbiyəsi və İdman Akademiyasında təqdimat keçirilib.

AZƏRTAC kluba istinadla xəbər verir ki, “Sabah” Futbol Akademiyasının koordinatoru Adino Mustedanaqiç təcrübə proqramı ilə bağlı tədbir iştirakçılarını məlumatlandırıb.

Təqdimat zamanı sözügedən proqramın gənclərin inkişafında oynadığı roldan, həmçinin “Sabah”ın gələcək planlarından bəhs edilib.

Xatırladaq ki, bir müddət əvvəl “Sabah”ın Akademiyası könüllülər üçün məşqçi köməkçisi, fiziki məşqçi, analitik məşqçi və tərcüməçi vəzifələri üzrə təcrübə proqramına start verib. Təcrübə proqramında iştirak edənlər dünyanın ən məşhur futbol akademiyalarından olan “Dinamo Zaqreb”in metodologiyasına yiyələnə, peşəkar futbol mütəxəssisi ola bilərlər.

İki il müddət üçün nəzərdə tutulmuş təcrübə proqramında 18-28 yaşlı gənclər iştirak edir. Namizədlərin ingilis dili biliyinin olması vacibdir. Təcrübə proqramı könüllülük əsasında həyata keçirilir. Könüllülərin nəqliyyat xərcləri akademiya tərəfindən qarşılanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.