REGİONLAR


Sabirabad və Xaçmazın diri heyvan satışı bazarları dezinfeksiya olunub

Bakı, 10 oktyabr, AZƏRTAC

Kənd Təsərrüfatı Nazirliyi yanında Dövlət Baytarlıq Xidməti tərəfindən ölkə ərazisində mövcud olan epizootik sabitliyin təmin edilməsi və zoonoz xəstəliklərin qarşısının alınması istiqamətində həyata keçirilən tədbirlər çərçivəsində diri heyvanların satışı aparılan bazarlarda dezinfeksiya, dezinseksiya və deratizasiya tədbirlərinin həyata keçirilməsinə zərurət yaranması ilə əlaqədar rayonların icra hakimiyyəti başçılarına müraciət ünvanlanıb. Bu müraciətlə əlaqədar Sabirabad və Xaçmaz rayonlarında yerləşən diri heyvanların satışı aparılan bazarlarında dezinfeksiya tədbiri həyata keçirilir.

Dövlət Baytarlıq Xidmətindən AZƏRTAC-a bildiriblər ki, Sabirabad və Xaçmaz rayonlarının diri heyvan bazarlarında profilaktik dezinfeksiya “Almerdehyde”, “Ektosan” və 5 faizli kaustik soda məhlulları ilə aparılıb. Dezinfeksiya məhlulları əraziyə DUK maşınları və avtomatik səyyar çiləyiçilərlə səpilib. Obyektlər dezinfeksiyadan sonra təsərrüfat sahiblərinin istifadəsinə verilib.

Qeyd edək ki, kənd təsərrüfatı heyvanları saxlanılan, bəslənilən və satışı aparılan obyektlərdə dezinfeksiya, dezinseksiya və deratizasiya tədbirləri Tarif (qiymət) Şurasının 2007-ci il 26 iyul tarixli 17 saylı qərarı ilə müəyyən edilmiş tariflərə uyğun aparılır.

Dezinfeksiya, dezinseksiya və deratizasiya işlərinin bundan sonra da davam etdirilməsi nəzərdə tutulub. Tədbir hər həftə həyata keçirilir və heyvan satışı yekulaşdıqdan və ərazidə mexaniki təmizlik işləri aparıldıqdan sonra icra edilir.

Dövlət Baytarlıq Xidməti bildirir ki, cari ilin 9 ayı ərzində respublikada 3615703,13 kvadratmetr sahə profilaktik, 437129 kvadratmetr sahə məcburi dezinfeksiya, 208560.4 kvadratmetr sahə dezinseksiya və 3680 kvadratmetr sahə deratizasiya tədbirlərinə cəlb olunub. Hazırda ölkə ərazisində epizootik durum sabitdir və təşkilati-təsərrüfat tədbirləri davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.