CƏMİYYƏT


Sabirabadda evdən külli miqdarda pul oğurlanıb

Bakı, 22 oktyabr, AZƏRTAC 

Sabirabad rayonu Zalqarağac kənd sakini olan bir qadın Daxili İşlər Nazirliyinin (DİN) “102 Zəng Mərkəzi” Xidmətinə zəng edərək ona məxsus fərdi evdən pulunun oğurlandığı barədə məlumat verib.

DİN-in mətbuat xidmətinin Şirvan şəhərində regional qrupundan AZƏRTAC-a bildiriblər ki, oğurluğu törətməkdə şübhəli bilinən rayon sakini İsmayıl Azayev Sabirabad Rayon Polis Şöbəsi Qaragüney polis bölməsinin əməkdaşları tərəfindən həyata keçirilən əməliyyat-axtarış tədbirləri nəticəsində saxlanılıb. Dindirilmə zamanı İ.Azayev evdən 2200 manat pulu oğurladığını etiraf edib və həmin pullar ondan maddi sübut kimi götürülüb.

Faktla bağlı Sabirabad Rayon Polis Şöbəsinin İstintaq bölməsində araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.