REGİONLAR


Sabirabadın iki kəndində at arabası ilə avtomobil toqquşub

Sabirabad, 13 iyun, Mahir Babayev, AZƏRTAC

Sabirabadın iki kəndində at arabası ilə avtomobil toqquşub, 5 nəfər xəsarət alıb.

AZƏRTAC-ın bölgə müxbiri xəbər verir ki, hadisə rayonun Nəriman və Beşdəli kəndlərində qeydə alınıb.

Sabairabadın Qaratəpə kənd sakini Çingiz Abdullayevin idarə etdiyi “VAZ-2106” markalı avtomobil at arabası ilə toqquşub. Nəticədə sürücü və arabada olan Qaratəpə kənd sakinləri Elman Gözəlov və Sahil Kərimov müxtəlif dərəcəli bədən xəsarəti alıb.

Digər analoji qəza isə rayonun Beşdəli kəndində baş verib. “Qazel” markalı yük avtomobilinin at arabası ilə toqquşması nəticəsində arabada olan Beşdəli kənd sakinləri Ruhin Lətifov və Aslan Əliyev xəsarət alıblar. Yaralılar Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.