REGİONLAR


Şabranda 2723 şagird “Yay məktəbi”nə qoşulub

Şabran, 24 iyun, Elxan Yusifli, AZƏRTAC

Şabran rayonunun ümumi təhsil müəssisələrində 2723 şagird “Yay məktəbi”nə cəlb olunub.

AZƏRTAC-ın bölgə müxbiri xəbər verir ki, rayonda 28 məktəbdə açıq havada “Yay məktəbi” təşkil edilib. Bunlardan 8-i şəhər, 20-si isə kənd məktəbləridir.

Şabran Rayon Təhsil şöbəsinin aparıcı məsləhətçisi Gülər Hüseynova bildirib ki, “Yay məktəbi” şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edilir. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunur.

Şagirdlər məşğələlərə könüllü qoşulub. Rayonun qabaqcıl təhsil ocaqlarından olan Şabran şəhər Samir Zülfüqarov adına 3 nömrəli tam orta məktəbin 900 şagirdindən 632-si “Yay məktəbi”ndə iştirak edir.

“Yay məktəbi” iyunun 30-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.