REGİONLAR


Şabranda iki maşın toqquşub, dörd nəfər xəsarət alıb

Şabran, 11 oktyabr, Elxan Yusifli, AZƏRTAC

Şabran rayonun Qorğan kəndində dörd nəfərin xəsarət alması ilə nəticələnən yol-nəqliyyat hadisəsi baş verib.

AZƏRTAC-ın bölgə müxbiri xəbər verir ki, qəza zamanı Şabran rayon sakini Əliyev Abdulla Əziz oğlunun idarə etdiyi “VAZ 2106” ilə rayonun Qazbabalı kənd sakini Quliyev Sakit Allahqulu oğluna məxsus “VAZ 2107” markalı nəqliyyat vasitələri toqquşub.

Hadisə nəticəsində 4 nəfər müxtəlif dərəcəli bədən xəsarətləri ilə Şabran Rayon Mərkəzi Xəstəxanasına yerləşdirilib. Yaralılardan Əliyev Qulu Teyyub oğlu və Əliyev Qadir Bəhmən oğlunun xəsarətləri ağır olduğu üçün müalicələri stasionar şəraitdə davam etdirilir. Digər iki nəfər isə ambulator müalicə üçün evə buraxılıb.

Faktla bağlı araşdırmalar aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.