CƏMİYYƏT


Sabunçuda vətəndaşlar üçün yaranmış real təhlükə aradan qaldırılıb VİDEO

Bakı, 8 may, AZƏRTAC

Fövqəladə Hallar Nazirliyinin (FHN) “112” qaynar telefon xəttinə Bakı şəhəri, Sabunçu rayonu, Sabunçu qəsəbəsi, Əmir Bağırov küçəsi, 38 ünvanında hündürlüyü təxminən 15 metr olan tüstü borusunun aşma təhlükəsi ilə əlaqədar məlumat daxil olub.

Nazirlikdən AZƏRTAC-a bildirilib ki, məlumat dərhal aidiyyəti üzrə yerli icra hakimiyyətinə ötürülüb. Bununla belə, havanın küləkli olması nəzərə alınaraq, vətəndaşların təhlükəsizliyinin təmin edilməsi və mümkün arzuolunmaz halların qarşısının vaxtında alınması məqsədilə FHN-in Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyinin mütəxəssisləri qeyd olunan ünvana cəlb olunub.

Agentliyin mütəxəssisləri tərəfindən əraziyə baxış zamanı yaşayış evlərinin bilavasitə yaxınlığında yerləşən borunun təhlükəsizlik kəmərlərinin qırılması səbəbindən küləyin təsiri ilə hər an aşma təhlükəsinin olduğu müəyyən edilib.

Qeyd olunanlar nəzərə alınaraq, ətrafda yaşayan vətəndaşların təhlükəsizliyinin təmin edilməsi məqsədilə Nazirliyin Xüsusi Riskli Xilasetmə Xidməti və Dövlət Yanğından Mühafizə Xidmətinin müvafiq qüvvələri əraziyə cəlb edilməklə, Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi və Mülki müdafiə işinin təşkili Baş idarəsinin əməkdaşlarının nəzarəti altında Sabunçu Rayon Fövqəladə Hallar Komissiyasının qüvvələri tərəfindən borunun təhlükəsizlik kəmərlərinin bərpası və digər zəruri tədbirlərin görülməsi təmin olunmaqla, vətəndaşlar üçün yaranmış real təhlükə aradan qaldırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.