CƏMİYYƏT


“Sağlam böyümək istəyirəm” devizi altında sadə idman növləri üzrə açıq turnir keçiriləcək

Bakı, 24 iyun, AZƏRTAC

Nərimanov Rayon Gənclər və İdman İdarəsi tərəfindən Milli Olimpiya Komitəsinin yaranmasının 30 illik yubileyi münasibəti ilə “Sağlam böyümək istəyirəm” devizi altında sadə idman növləri üzrə açıq turnir keçiriləcək.

Nərimanov Rayon Gənclər və İdman İdarəsindən AZƏRTAC-a bildiriblər ki, turnirin məqsədi yay tətili zamanı məktəblilərin asudə vaxtının səmərəli təşkil etmək və kütləvi idmana cəlb olunmalarından ibarətdir. Turnirə hər bir şagird dəvət olunur.

Turnir iyunun 28-də Vətən Müharibəsi Qəhrəmanı Azad Hümbətov adına 291 nömrəli “Ekologiya” liseyində, iyunun 29-da S.C.Pişəvəri adına Respublika Humanitar Fənlər Gimnaziyasında, iyunun 30-da Məktəb-Lisey Kompleksində, iyulun 1-də 193 nömrəli tam orta məktəbdə keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.