İDMAN


“Sağlam böyümək istəyirəm” devizi ilə sadə idman növləri üzrə açıq turnirlərə start verilib

Bakı, 28 iyun, AZƏRTAC

Nərimanov rayonunda “Sağlam böyümək istəyirəm” devizi ilə sadə idman növləri üzrə açıq turnirlərə start verilib.

Rayon gənclər və idman idarəsindən AZƏRTAC-a bildiriblər ki, Vətən Müharibəsi Qəhrəmanı Azad Hümbətov adına 291 nömrəli “Ekologiya” liseydə idarənin təşkilatçılığı ilə dayaqlı vəziyyətdən qolların bükülüb-açılması, iplə tullanma, turnikdə dartınma, halqa fırlatma, 50 metr qaçış üzrə şagirdlər arasında turnir keçirilib.

Turnirdə Vətən Müharibəsi Qəhrəmanı, baş leytenant, şəhid Azad Hümbətovun atası, Nərimanov Rayon Ağsaqqallar Şurasının sədri Arif Hümbətov, rayon gənclər və idman idarəsinin rəisi Nəcəf Novruzov, liseyin direktoru Arif Əsədov, müəllim heyəti və idmana həvəsi olan şagirdlər iştirak ediblər.

Sonda turnir iştirakçıları idarə tərəfindən sertifikatlarla, hər növ üzrə birinci yeri tutan qaliblər isə diplomlarla təltif olunublar.

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.