MƏDƏNİYYƏT


Sağlamlıq imkanı məhdud xanımlar üçün müsabiqə keçirilir

Bakı, 9 sentyabr, AZƏRTAC

“Light for the World” beynəlxalq təşkilatı sağlamlıq imkanları məhdud olan xanımlar üçün “Onun bacarıqları” müsabiqəsi təşkil edib.

AZƏRTAC xəbər verir ki, müsabiqənin keçirilməsində məqsəd əlilliyi olan xanımların bacarıqları haqqında məlumat vermək, onların əldə etdikləri uğurları işıqlandırmaq, cəmiyyətdə onların barəsində olan ictimai fikri dəyişmək, özünü bərabərlik və mükəmməliyə həsr etmiş xanımlar arasında güclü şəbəkə yaratmaqdır.

Müsabiqədə iştirak edən xanımlar sağlamlıq, təhsil, hüquq, incəsənət, mədəniyyət və idman kateqoriyaları üzrə mükafatlandırılacaq. Qaliblərə sertifikat və mükafatlar veriləcək, eyni zamanda, “Light for the World” kommunikasiya komandası qaliblərin hekayələrini media və onlayn platformalar vasitəsilə yayaraq onların layihələrinin cəmiyyət tərəfindən daha çox tanınmasını təmin edəcək.

Müsabiqəyə qatılmaq üçün https://www.her-abilities-award.org/submit-nomination linkinə daxil olmaq lazımdır.

Qeyd edək ki, müsabiqə 18 yaşdan yuxarı əlilliyi olan xanımlar arasında aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.