CƏMİYYƏT


Sağlamlıq imkanları məhdud gənclərin əl işlərinin satış-sərgisi keçirilib

Bakı, 21 dekabr, AZƏRTAC

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 nömrəli Sağlamlıq İmkanları Məhdud Gənclərin Peşə Reabilitasiya Mərkəzində müxtəlif ixtisaslara yiyələnən gənclərin əl işlərindən ibarət satış-sərgisi keçirilib.

Nazirliyin ictimaiyyətlə əlaqələr şöbəsindən AZƏRTAC-a verilən məlumata görə, 5 nömrəli “ASAN xidmət” mərkəzində keçirilən tədbirin məqsədi fiziki məhdudiyyətli şəxslərin yaradıcılıq potensiallarının cəmiyyətə tanıdılması və əl işlərinin satışının dəstəklənməsi yolu ilə onların yaradıcı əməyinin maddi baxımdan stimullaşdırılması olub.

Satış-sərgidə gənclərin hörmə, rəsm, toxuma, xalçaçılıq, dulusçuluq-keramika məmulatları, ağac üzərində oyma, müxtəlif incəsənət və məişət nümunələri, bədii tikmələr və s. əl işləri təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.