REGİONLAR


Şahbuzda qurulan qapalı suvarma şəbəkəsi rayon iqtisadiyyatının inkişafında mühüm rol oynayacaq

Şahbuz, 14 oktyabr, AZƏRTAC 

Şahbuz rayonunda yeni qapalı suvarma şəbəkəsinin istifadəyə verilməsi daha geniş ərazilərin əkin dövriyyəsinə qatılmasına şərait yaradıb. Bu isə sakinlərin təsərrüfat işlərindən əldə edəcəkləri gəlirləri artırır, ərzaq təhlükəsizliyinə öz töhfəsini verir, rayonun iqtisadi inkişafına öz töhfəsini verir.

AZƏRTAC-ın Naxçıvan bürosu xəbər verir ki, rayonda ötən il Türkeş və Sələsüz kəndlərində 343 hektar sahəni əhatə edən qapalı suvarma şəbəkəsi qurulub. Bu il isə Sələsüz və Mərəlik kəndlərində 198, Türkeş kəndində isə 77 hektar olmaqla, ümumilikdə, 275 hektar sahədə suvarma şəbəkəsi qurularaq torpaq mülkiyyətçilərinin istifadəsinə verilib.

Qeyd edək ki, Sələsüz, Türkeş və Mərəlik kənd sakinlərinin əsas məşğuliyyət sahəsi əkinçilik və heyvandarlıqdır. Kəndlərdə yeni qapalı suvarma şəbəkələrinin qurulması əkinçiliyin inkişafına səbəb olub. Bu da sakinlər tərəfindən razılıqla qarşılanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.