REGİONLAR


“Şahdağ” komandası “Göyəzən” klubu üzərində inamlı qələbə qazanıb

Siyəzən, 10 mart, Elxan Yusifli, AZƏRTAC

Azərbaycan Region Liqasının final mərhələsində mübarizə aparan Qusarın “Şahdağ” futbol klubu Qazaxın “Göyəzən” klubu üzərində inamlı qələbə qazanıb.

AZƏRTAC-ın bölgə müxbiri xəbər verir ki, birinci pley-off mərhələsinin ilk oyununda qusarlılar rəqibi Siyəzən şəhər stadionunda qəbul edib.

Çempionluğa iddialı “Şahdağ” elə ilk hissədə qazaxlı futbolçuların qapısından iki cavabsız top keçirib. İkinci hissədə də üstün oyun nümayiş etdirən qusarlılar “Göyəzən” kollektivinə 5:1 hesabı ilə qalib gəlməyi bacarıb.

Komandalar arasında cavab qarşılaşması bir həftə sonra Qazaxda keçiriləcək. Bu görüşdə üstün olan komanda ikinci pley-off mərhələsində “Şirvan” (Ağdaş) – “Ağsu Siti” (Ağsu) komandaılarının qalibi ilə qarşılaşacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.