İQTİSADİYYAT


“Şahdəniz-2” üzrə dərinsulu şərq-cənub cinahından hasilata 2021-ci ilin birinci yarısında başlanması planlaşdırılır

Bakı, 16 noyabr, AZƏRTAC

Üçüncü rüb ərzində “Şahdəniz-2” komandası “Xankəndi” sualtı tikinti gəmisi vasitəsilə sualtı quraşdırma işlərini plana uyğun davam etdirib.

Bu barədə AZƏRTAC-a “BP Azerbaijan” şirkətindən bildirilib. Məlumata görə, “İsrafil Hüseynov” borudüzən gəmisi yatağın şərq-cənub cinahına bağlanan axın xətlərinin mexaniki quraşdırılmasını oktyabrın 8-də təhlükəsiz şəkildə başa çatdırıb, bu isə layihə üzrə mühüm bir işdir.

Dərinsulu şərq-cənub cinahından (suyun 540 metr dərinliyində) hasilatın başlanması dənizdə quraşdırma və istismar sınaqları bitdikdən sonra 2021-ci ilin birinci yarısına planlaşdırılır. Digər 2 dərinsulu cinahdan (qərb-cənub və şərq-şimal) hasilatın başlanması gələcək illərə planlaşdırılır və hasilatın planlaşdırılan ən yüksək sabit səviyyəsinə nail olmağı təmin edəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.