İQTİSADİYYAT


“Şahdəniz”dən indiyədək 86,5 milyard kubmetr təbii qaz ixraca nəql olunub

Bakı, 17 oktyabr, AZƏRTAC

İstismara veriləndən cari il oktyabrın 1-i tarixinədək “Azəri-Çıraq-Günəşli” (AÇG) yataqlarından 173,7 milyard kubmetr, “Şahdəniz” yatağından isə 130,1 milyard kubmetr təbii qaz hasil edilib.

Energetika Nazirliyindən AZƏRTAC-a bildirilib ki, “Şahdəniz” yatağı istismara veriləndən bu il oktyabrın 1-dək isə 86,5 milyard kubmetr qaz ixraca nəql edilib.

Qeyd edək ki, “Azəri-Çıraq-Günəşli”dən çıxarılan qaz həcmləri əsasən neft-kondensat hasilatını stabil saxlamaq üçün laylara vurulur. Həmçinin AÇG-də məşəldə yandırılmayan səmt qazı isə əvəzsiz olaraq SOCAR-a verilir. Bu vaxtadək AÇG yataqlarından SOCAR-a 48 milyard kubmetrdən çox səmt qazı verilib. Beləliklə də indiyədək “Azəri-Çıraq-Günəşli”dən çıxarılan 173,7 milyard kubmetr qazın 125,7 milyard kubmetri yenidən laylara vurulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.