SİYASƏT
Sahibə Qafarova: Türkiyə Rəcəb Tayyib Ərdoğanın liderliyi ilə daha yüksək zirvələr fəth edəcək
Bakı, 30 may, AZƏRTAC
Mayın 28-də Türkiyədə prezident seçkilərinin ikinci turunda Rəcəb Tayyib Ərdoğanın qələbəsi Azərbaycan xalqını çox sevindirdi.
AZƏRTAC xəbər verir ki, bunu Milli Məclisin sədri Sahibə Qafarova parlamentin mayın 30-da keçirilən iclasında cari məsələlərin müzakirəsi zamanı deyib.
Qardaş ölkədə seçkilərin tam demokratik şəkildə keçirildiyini diqqətə çatdıran Milli Məclisin sədri bildirib ki, Türkiyə Rəcəb Tayyib Ərdoğanın liderliyi ilə dinamik inkişaf yolunda daha yüksək zirvələr fəth edəcək.