CƏMİYYƏT


Sahibkar qadın: Sifarişlər artarsa, oğuzlu xanımlar üçün də iş yerləri çoxalacaq

Bakı, 19 sentyabr, AZƏRTAC

Əgər sifarişlər artarsa, oğuzlu xanımlar üçün də iş yerləri çoxalacaq.

Bu sözləri AZƏRTAC-a Azərbaycanda Qadın Sahibkarlığının İnkişafı Assosiasiyasının Oğuz rayon şöbəsinin rəhbəri Aidə Behbudova deyib. O, sahibkarlıq sahəsində təlimlərin təşkilinin faydalı olduğunu bildirib: “AQSİA tərəfindən bizə böyük dəstək göstərilir. “Bakı Tekstil Fabriki” MMC tərəfindən AQSİA-nın Oğuz rayon şöbəsinə peşəkar dərzi maşını verilib. Dörd qadın dərzi burada əmək fəaliyyətinə başlayıb”.

O, evdar xanımların sahibkar kimi üzə çıxmalarına yardım göstərdiyini, tez-tez kəndlərə getdiyini, orada müxtəlif peşə sahibi olan qadınlarla görüşdüyünü deyib.

Sahibkar qadın məktəbəqədər müəssisələr üçün döşək üzləri və digər məhsullar üzrə sifarişi yerinə yetirmək üçün Oğuz Rayon İcra Hakimiyyətinin tenderində qalib olub. O, oktyabrda isə xəstəxana və poliklinikaların elan edəcəyi tenderə qatılmaq fikrindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.