İQTİSADİYYAT


Sahibkardan Orduya növbəti dəstək

Bakı, 8 oktyabr, AZƏRTAC

“Mətanət-A” şirkətinin rəhbəri Elxan Bəşirov Silahlı Qüvvələrə Yardım Fonduna 100 min manat vəsait köçürüb.

“Böyük qələbə anını yaxınlaşdırmaq üçün arxa cəbhədən Şanlı Ordumuza dəstək göstərmək hər bir sahibkarın borcudur. Ali Baş Komandanımız İlham Əliyevin rəhbərliyi ilə rəşadətli Ordumuzun əzəli Azərbaycan torpaqlarını erməni işğalından azad etmək üçün apardığı uğurlu əks-hücum əməliyyatı hər birimizə sevinc və qürur hissi yaşadır. 30 ilə yaxındır ki, torpaqlarımız işğal altındadır.

Ermənipərəst ideoloqlar, erməni lobbisi və diasporu tarixi təhrif edərək öz ölkəsinin gənclərinə Qarabağı Ermənistanın torpağı kimi tanıtmağa çalışıb, hətta tarix dərsliklərində də Qarabağ Ermənistanın torpağı kimi uşaqların şüurlarına yeridilir. Bütün dünya azərbaycanlılarından xahiş edirik ki, sosial şəbəkələrdə aktiv olaraq erməni gənclərinə Qarabağın əzəli Azərbaycan torpağı olmağı ilə bağlı həqiqətləri çatdırsınlar. Onlara bildirmək lazımdır ki, yalnız öz ideoloqlarının, siyasətçilərinin saxta fikirləri və təhrif olunmuş dərsliklərlə kifayətlənməyib dünya tarixinə də nəzər salsınlar. Bu zaman onlar Qarabağ torpağının əzəli Azərbaycan torpağı olmasının şahidi olacaqlar. Bunun nəticəsində erməni gənclərində onların saxtakar ideoloqlarına və siyasətçilərinə nifrət hissi oyanacaq və bu da Ermənistanın məkrli siyasətini həyata keçirməsinin və bəzi ölkələrin bu münaqişədən öz maraqları üçün istifadə etməsinin qarşısını alacaq. Qarabağ Azərbaycandır!”, – deyə “Mətanət-A” şirkətinin müşahidə şurasının sədri Elxan Bəşirov bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.