İQTİSADİYYAT


Sahibkarlar İslam İnkişaf Bankının müsabiqəsində iştiraka dəvət olunurlar

Bakı, 25 may, AZƏRTAC

Kiçik və Orta Biznesin İnkişafı Agentliyi (KOBİA) sahibkarlara müraciət edib.

KOBİA-dan AZƏRTAC-a bildirilib ki, İslam İnkişaf Bankının (İİB) “Engage” İnnovasiya Mərkəzi “Transform Fund 4th Call for Innovation 2021” müsabiqəsini elan edib. Müsabiqənin məqsədi COVID-19 pandemiyasına qarşı mübarizə çərçivəsində İİB-ə üzv ölkələrin dəstəklənməsidir. Müsabiqə çərçivəsində alimlərə, tədqiqatçılara, COVID-19 pandemiyasına qarşı vaksinlərin təhlükəsizliyinin təmin edilməsi istiqamətində çalışan biotexnoloji şirkətlərə və elmi-tədqiqat müəssisələrinə qrant və səhm kapitalı şəklində 0,1-1 milyon ABŞ dolları maliyyə yardımının ayrılması nəzərdə tutulur.

İştirak üçün təkliflər hazırlanaraq mayın 31-dək qeyd olunan link (https://bit.ly/3f2Xyqi) vasitəsilə təqdim edilməlidir. Müsabiqə ilə bağlı əlavə məlumatı İslam İnkişaf Bankının internet səhifəsindən əldə etmək olar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.